Farmakonazorat va sifatni ta’minlash tizimi
Korxonaning vazifasi har bir inson sog’lig’iga g’amxo’rlik qilish. Aynan shu sababli korxonaning dori vositalari va tibbiyot buyumlarining xavfsizligi, samaradorligi va sifati bilan bog’liq ma’lumotlarni yig’ish –ishimizning muhim qismi hisoblanadi. Bunday maqsadlarga erishish uchun dori vositalari va tibbiyot buyumlarini qo’llashda noxush holatlarini / ta’sirning yo’qligi va ular bo’yicha shikoyatlarni o’z vaqtida aniqlash imkonini beruvchi sifatni ta’minlash tizimi va farmakonazorat tashkil etilgan.
Agar dori vositasi yoki tibbiyot buyumlarimizni qo’llash natijasida noxush holatlar / ta’sirning yo’qligi yoki sifati bilan bog’liq muammolar to’g’risida xabar bermoqchi bo’lsangiz, o’zingiz uchun qulay bo’lgan xabar berish usulini tanlashingiz mumkin.
- 24\7 telefon orqali: +99871 230 91 93
- Quyidagi elektron pochta orqali: infopharmaff@gmail.com, pharmacovigilance@alpenpharma.com
Nimalar to’g’risida xabar berishingiz mumkin:
- Nojo’ya ta’sirlari – dori vositasini qabul qilish bilan bog’liq bo’lishidan qat’iy nazar, dori vositasini qabul qilish davri bilan mos kelgan biron – bir nojo’ya va kutilmagan holat, simptom yoki kasallik.
- Noto’g’ri qo’llash – dori vositasini tibbiy qo’llash yo’riqnomasida ma’qullangan qo’llash usuliga mos kelmaydigan atayin va noto’g’ri qo’llash.
- Ro’yxatga olinmagan ko’rsatmalar bo’yicha qo’llash – dori vositasi atayin tibbiy qo’llash yo’riqnomasiga muvofiq qo’llanilmagan holatlar.
- Suiste’mol qilish – zararli jismoniy va ruhiy ta’sirlar bilan kuzatiluvchi dori vositalarini doimiy yoki muntazam bo’lmagan, ataylab haddan tashqari ko’p qo’llash.
- Samarasining yo’qligi – tasdiqlangan ko’rsatkichlar doirasida ko’zlangan farmakologik ta’sir olishning imkoni yo’q. Vaksinalar uchun misol: kasallik profilaktikasi uchun vaksinatsiya o’tkazilgan bemorning kasallanishi.
- Kasbiy faoliyat davrida ta’sirlari – kasbiy hamda kasb faoliyati bilan bog’liq bo’lmagan vazifalarni bajarish natijasida inson dori vositasning ta’siriga uchrashi.
- Dozani oshirib yuborilishi – dori vositasini tasdiqlangan tibbiy qo’llash yo’riqnomasiga muvofiq tavsiya qilingan maksimal kunlik dozadan oshadigan miqdorda bir vaqtda yoki kun davomida qo’llash. Dozani oshirib yuborish bilan bog’liq kumulyativ ta’sir ham inobatga olinadi.
- Kutilmagan ijobiy ta’sir – dori vositasini qo’llagandan so’ng paydo bo’lgan va tuzalishga yoki kasallik kechishi va simptomlarni yaxshilanishiga olib kelgan kutilmagan yoki tekshiruvlarda aniqlanmagan har qanday kutilmagan ijobiy ta’sir.
- Tibbiy xatolik – dori vositalarini tayinlash, tayyorlash yoki buyurishda shifokor, bemor va iste’molchining har qanday oldindan ko’zlanmagan xatoligiga havola qilish.
- Gumonlanayotgan infeksiya o’tishi – nojo’ya ta’sir bilan bog’liq bo’lgan yoki bog’liq bo’lmagan dori vositasi orqali infeksiyani o’tishi.
- Homiladorlik va emizish davridagi ta’siri – homiladorlik yoki emizish davrida qabul qilingan har qanday vosita. Vositaning ta’siri xatto homiladorlikdan oldin ham boshlanishi mumkin, masalan ona yoki otaning kontrasepsiyasi vaqtida, yoki homilador bo’lish vaqtida ota tomonidan dori vositasini qabul qilishi.
Mahsulot sifati borasida biron – bir ma’lumot yoki savollaringiz bo’lsa, quyidagi e-mail orqali yuborishingizni so’raymiz: quality@alpenpharma.com
Siz berayotgan barcha ma’lumotlar konfidensial hisoblanadi va oshkor etilmaydi, qonunchilikda ko’zda tutilgan hollar bundan mustasno.